sumitra bhave

कला आणि कामाप्रती असलेला प्रामाणिकपणा ही वरुणची अत्यंत भावणारी गोष्ट आहे. पद्धतशीर आणि सुक्ष्म निरिक्षण ही त्याची खासियत, अर्थात एक कलाकार आणि दिग्दर्शक म्हणून या गोष्टी आवश्यकच आहेत, पण वरुणचा शांतपणा आणि विनोद बुद्धी उत्तम आहे. त्याची कामाप्रती, त्याच्या सहकलाकारांप्रती असलेली निष्ठा यांमुळे एखादं काम वरुण करत असेल तर ते उत्तमच होणार आणि होतं आहे. त्याच्या कामात कुठलाही दिखाऊपणा नसतो, त्यामुळे त्याच्याबरोबर काम करणं हा छान अनुभव असतो. 
दिवंगत सुमित्रा भावे यांच्याबद्दल वरुण लिहिणार याचा आम्हाला मनापासून आनंद झाला. मराठी चित्रपटसृष्टीतील नवोदित कलाकारांसाठी सुमित्रा भावे म्हणजे 
अक्षरश: विद्यापीठ! मराठी चित्रपट सृष्टीला एकापेक्षा एक प्रतिभावंत सुमित्रा भावे यांनी दिले. नव्या कलाकारांची प्रतिभा ओळखायची, ती फुलवायची आणि 
स्वतंत्रपणे काम करण्यासाठी त्यांना मोकळिक द्यायची… एका खऱ्याखुऱ्या नेतृत्वाचंच हे द्योतक नाही का?! 

#9Women9Days या आमच्या विशेष मालिकेच्या निमित्ताने सुमित्रा भावे यांची आठवण जागवताना त्यांच्याप्रतीच्या आदराने आम्ही नतमस्तक होतो!